Kumiur
#1 Lysrekknindşę
Alf Karlsson i Tyrines add faið ien lysrekkningg frǫ Ieðward Larsson i Nųänes,
so add and um kraftstasiuän. Lyse wa wisält og Alf tykkt rekknindşę wa wel stur.
An wart irritirað o ringgd upp Ieðward o saggd: ”Är ǫ noð Ieðward! Drag ǫ lite mįer,
so i dug leso lysrekknindşę”!
(Skanswaktn 1948)
#2 Druttşinkaller?
Eð wa mes Raimo wa lipåyk o byggd uppǫ i Ǫsbu.
An stuäd ǫ ienum stuäl o kuägeð aut gainum tşyöksglaseð nimuät baptistkapellę.
Rett sos eð wa yöpt an a Bäcklunds-Ulda: ”Kringg di sįo, tant, so mikkel druttşinkaller eð ir autǫ gerdę”!
An såg karr kläer i kostym. E wa skaulstyrelsę, so jällt ǫ diskutir um eð ulld byddşas ien skaul
autǫ gerdę mitt fö kapellę.
(Skanswaktn 1946)
#3 Wenn wartum
Tore, Mitşål-Gunnar og Iemil war ǫ kalas og mes die glemä
kam dier ǫ ðie wa fyöe summu år, 1913. Tore piekt ǫ Gunnar o saggd: ”An wart nemndeman …”
o Gunnar ser a Tore: ”… o ðu wart skuägwakter …”. Dǫ wende sig Iemil muät diem o ser:
”… og i wart wįsterennt!”.
(Skanswaktn 1992)