Um mig
Ig iette Mats Westerling o kam til i Furudal 1945. Fuäreldrä mainer iette Tore o Karin (fyödd Nordin). Die kam frǫ Brunnsbjärr o frǫ Ǫsum. Flytteðum að Ǫsbymm 1952. Mes ig add stuðira klart a sivilindşinjör 1970, byrd ig ǫ nest LM Ericsson i Stokkol. Da jällt ig ǫ min autwekklingsarbietum o pruävninggum åv ymsum telefuänstasiuänum tast 2003. Dǫ weld i go i avtalspension. Ig i dşift min Kerstin, ię finlandsswensk, og avum tųä påjk so iro sture nų. Byddşum i Stokkol, i Sätra.
Dyöswerra swenske fuäreldrä min uäs krippum og i byrd ollder ǫ fösyötş dalska. Men i föstuä ju ollt. Sę mę ig add uärte stur, ar ig anggrað int i tuäst byr ǫ dalska.
Ǫstn 1999 anmeld i mig ǫ ien kuss i dalska. Kussn wa wenanan tisdag i Bromma iem nest Bengt Åkerberg. E so i like mjäst, war u litt e wa leso dalska min jåp åv nogum buäkstavum ekstra. I wart og upi ferunder yvyr u regelbundn övdalską ir. I gor ǫ kuss nest Bengt enn, o nų dalsker ig, fast i se fel fil millmað.
Bengt a si gainum webb-saiður og äpe mi min dalskun. Ja welest eð. Tşä tokk för! Lars Westerling a gart tanjentbuärdslayoutn kbd§ fö Mac. An ar og testa webbsaiðu min Mac.
Är åv dig um du a no synpunkt um webbsaiður!
Referenser um ur an dşä webbsaiður:
- Rasmusson Bengt: Att göra en hemsida. Libris Media Data. Örebro 2002.
- Wyke-Smith Charles: Stila med CSS - En guide för designers. Pagina Förlags AB. Sundbyberg 2006.
- Cameron Adams m.fl.: The Art & Science of CSS. SitePoint Pty. Ltd. Collingwood 2007.
- Meyer Eric A.: CSS: The Definitive Guide, Third Edition. O'Reilly Media Inc. Sebastopol 2007.
- About Conditional Comments. Microsoft Corporation 2007.
- Staflin Rolf: HTML5 HTML och CSS-boken. Pagina Förlags AB. Sundbyberg 2011.
- Schmitt Christopher m.fl.: HTML5 Cookbook. O'Reilly Media Inc. Sebastopol 2011.
- Google Web Fonts. Google Developers 2012.