An kuägeð autyvy sjunn
An so dşikk briewi mig
gor it briewi non no mįer.
Wį spileðum i lag iesn langgu
mes e wa dans i ien laðu
so ärd ienum stugard til uvǫ sjunn.
E byrd ǫ steðað o fint.
Snart rakk eð int min filum o somowermam.
Die kam min dragspilę o putellą.
Ollt wart wellera.
Snart ärdes knappt int filur
o finkullu wart yvyröstaðer
åv drukkenkallum so byrd ǫ kula.
Wįð pakkeðum inn o fuärum.
Dşinggum yvy gardn
min fillådur under armem,
oll uärieð og ollt livärn attonað uäss.
Sę addum kumi daitum radę åv byörkum
stae gamtspilman so i fygde,
o kuägeð autyvy sjunn.
An såg ǫ mig og ig ǫ an.
Saggdum it noð men sågum båðe summu.
I föstuä dǫ o föstår enn.
An taingt sos ig og i sos an:
Eð finns e so ir ųäbigripli grannt.