An kuägäð aut yvy sjunn

An kuägäð aut yvy sjunn
An so dşikk briewi mig
gor it briewi non no mįer.
Spiläðum i lag iesn langgu
mes e wa dans i ien laðu
so ärd ienum stugard til uvǫ sjunn.

E byrd ǫ steðað o fint.
Snąrt rakk eð int min filum o somowermam.
Die kam min dragspilę o putellą.
Ollt wart wellera.
Snąrt ärdes knappt int filur
o finkullu wart yvyröstaðer
åv drukkenkallum so byrd ǫ kula.

Pakkeðum inn o fuärum.
Dşinggum yvy gardn
min fillåður under armem.
Lemmneðum oll ųärieð og ollt wäsn attonað uäss.

Sę addum kumi daitum raðę åv byörkum
stae gamtspilmann so i fygde,
o kuägäð autyvy sjunn.
An såg ǫ mig og ig ǫ an.
Saggdum it noð men sågum båðe summu.
I föstuä dǫ o föstår enn.
An taingt sos ig og i sos an:
E finns e so ir ųäbigripli grannt.

            Bengt Åkerberg